Mera koyee need nahi hai koyee saath nahi mere

Dukh bana hai meri chaya rehta mujhko herdham ghere

Is chaya ka saath nibane aasoo ka aadhar chahiye

Mai hu ek akela rahi mujhe kisi ka pyar chahiye..!!

Jeevan ki hu ek kahani bin likhe jo likhi gaye

Sheershaq jiska mila na dhoonde kadi-kadi se toot gaye

Likhi kahani poori kar de bhasha woh uphaar chahiye

Mai hu ek akela rahi mujhe kisii ka pyar chahiye..!!

Andhkar main path naapa hai kho jana hai manzil meri

Is dunia ko samjha maine nirdhan ki nirdhan deri

Darta hai mann keh dene se mujhe kisii ka dwaar chahiye

Mai hu ek akela rahi mujhe kisi ka pyar chahiye..!!

Dagar-dagar mehmaan bani mai ab mujhko aaraam chahiye

Path ka parichai kaise de du wahan kisii ka naam chahiye

Shoolon kil bhi bhare phool se ghandbari woh daar chahiye

Mai hu ek akela rahi mujhe kisi ka pyar chahiye..!!